Ավելի քան հինգ հազար ամերիկացի միացել է Չինաստանի կառավարության դեմ դատական հայցին՝ պահանջելով փոխհատուցում կորոնավիրուսով պայմանավորված վնասի համար, հայտնում է Voice of America-ն։
ԱՄՆ քաղաքացիները հայտնում են, որ նրանք «մեծ կորուստներ են կրել» «Չինաստանի անփութության պատճառով, որը թույլ է տվել համավարակը տարածվի ամբողջ աշխարհով»:
Ըստ մասնագետների՝ պահանջված փոխհատուցման գումարը կարող է կազմել մոտ 1,2 տրիլիոն դոլար:
Վերլուծաբանները պնդում են, որ Չինաստանը պոտենցիալ պատասխանատվություն է կրում համավարակի բռնկման պատճառած վնասի համար, քանի որ երկիրը «դիտավորյալ թաքցրել է տեղեկատվությունը ԱՀԿ-ից», ինչը միջազգային առողջապահական չափորոշիչների խախտում է: