Ղազախստանի առաջին նախագահ Նուրսուլթան Նազարբաևի դուստրն ու թոռը հաղթել են Մեծ Բրիտանիայի հանցավորության ազգային գործակալության (National Crime Agency) կողմից «չհիմնավորված հարստության» մեղադրանքով իրենց առաջադրված դատը, գրում է Financial Times-ը:
Մեծ Բրիտանիայի Գերագույն դատարանի որոշմամբ Դարիգա Նազարբաևան և Նուրալի Ալիևն անմեղ են ճանաչվել:
Նրանց մեղադրանք էր առաջադրվել ապօրինի ճանապարհով ձեռք բերված գումարներով 80 միլիոն ֆունտ (մոտավորապես 100 միլիոն դոլար) արժողությամբ անշարժ գույքը տնօրինելու վերաբերյալ։
Նշվում է, որ հանցավորության ազգային գործակալությունը մտադիր է բողոքարկել Գերագույն դատարանի որոշումը: