Սաուդյան Արաբիան պատրաստ է նավթի արդյունահանումը կրճատել օրական ավելի քան 9 մլն բարելով, եթե այլ երկրներ միանան արտահանման սահմանափակմանը, գրում է The Wall Street Journal-ը՝ վկայակոչելով թագավորության ներկայացուցիչներին:
Սաուդյան Արաբիան նման հնարավորությունը կդիտարկի, եթե G20-ի այլ պետություններ ևս, իրենց հերթին, փոքրացնեն արտահանման ծավալները։ Մասնավորապես, Սաուդյան Արաբիայի ներկայացուցիչները ցանկանում են, որպեսզի նման քայլեր անեն ԱՄՆ-ը, Ռուսաստանը, Կանադան և Մեքսիկան:
Երբ նավթ արտահանող երկրների կազմակերպության (ՕՊԵԿ) անդամները չկարողացան համաձայնության գալ, Սաուդյան Արաբիան հայտարարեց, որ նախատեսում է ապրիլից նավթի արտահանումը հասցնել առավելագույն 12.3 միլիոն բարելի և արտահանումը հասցրեց օրական 10 միլիոն բարելի: