ՌԴ նախագահ Վլադիմիր Պուտինն արդեն երկրորդ անգամ է դիմել երկրի ժողովրդին՝ կորոնավիրուսի շուրջ ծավալվող իրադարձությունների շրջանակներում: Նա նշել է, որ ոչ աշխատանքային շաբաթը Ռուսաստանում հարկադրված երկարաձգվում է մինչև ապրիլի 30-ը: «Վտանգը պահպանվում է, աշխարհում համավարակի գագաթնակետը դեռ չի անցել: Որոշում է ընդունվել ոչ աշխատանքային օրերը երկարաձգել մինչև ապրիլի 30-ը ներառյալ: Բնականաբար, աշխատավարձերը կպահպանվեն»,- իր ելույթում նշել է նա: