ԱԺ պատգամավոր Արման Բաբաջանյանն այսօրվա նիստում հարց ուղղեց առողջապահության նախարարի տեղակալ Անահիտ Ավանեսյանին, թե «Բնակչության բժշկական օգնության և սպասարկման մասին» օրենքում առաջարկվող փոփոխությունը որքանո՞վ է հրահանգավորված Առողջապահության համաշխարհային կազմակերպության կողմից:
Հիշեցնենք, որ նախագծով առաջարկվում է պարտադիր հերձում իրականացնելու դեպքերից նախատեսել բացառություն անձի՝ կորոնավիրուսային հիվանդությունից (COVID-19) մահվան դեպքում՝ կանխելով հերձման արդյունքում վարակի հնարավոր տարածումը՝ ելնելով բնակչության կենսաանվտանգության ապահովման առաջնայնությունից:
«Մենք ունե՞նք պատկերացում, թե որքա՞ն ժամանակ է վարակը մնում դիակի վրա»,- հարցրեց նա փոխնախարարին։