Խնդրում ենք սպասել...

Համացանց

«Նման հատուկ միջոցառումներ մշակվել և կիրառվում են այս վարակի հետ առերեսված շատ երկրներում». Հովհ. Մանուկյան

17:05, շաբաթ, 28 մարտի, 2020 թ.
«Նման հատուկ միջոցառումներ մշակվել և կիրառվում են այս վարակի հետ առերեսված շատ երկրներում». Հովհ. Մանուկյան

«Կովկասյան գործընկերություն» կազմակերպության նախագահ, Արդարադատության նախկին նախարար Հովհաննես Մանուկյանն իր ֆեյսբուքյան էջում գրել է. «Թեման, իհարկե, տխուր է և մտահոգիչ, սակայն չափազանց կարևոր, և այդ պատճառով անհրաժեշտ է սրա մասին խոսել։ Իհարկե, հուսադրող է, որ մինչ այս պահը կորոնավիրուսով վարակված ընդամենը մեկ անձի մահ ունենք արձանագրված, սակայն նույնիսկ եզակի դեպքերի առկայության պարագայում անհրաժեշտ է ունենալ մահացածի նկատմամբ բժշկական ներգործության, դիակի պահպանության և հուղարկավորության առանձնահատկությունները սահմանող հստակ պրոտոկոլ՝ նվազագույնի հասցնելու համար կորոնավիրուսից մահացածների միջոցով վարակի հետագա տարածումը։ Անհրաժեշտ է հասկանալ, թե առողջապահության նախարարությունն ունի՞ արդյոք մշակված կանոնակարգումների նախագիծ, և եթե ունի, ապա ինչպիսին են դրանք և երբ են հասանելի դառնալու հանրությանը։
     Նման հատուկ միջոցառումներ մշակվել են և կիրառվում են այս վարակի հետ առերեսված շատ երկրներում, որտեղ մահեր են արձանագրվել։ Մասնավորապես՝ Իտալիայում հանգուցյալները սգո սրահներ են տեղափոխվում փակ դագաղներով, հարազատներն իրավունք չունեն դրանք բացել, սահմանափակված է կոնտակտը դիակի հետ, իսկ թաղման արարողությանը արգելված է երկուսից ավել մարդու ներկայությունը։
     Այս առումով հետաքրքիր կարող է լինել Վրաստանի օրինակը, որտեղ այս կանոնակարգումները մտցված են արդեն։ Մասնավորապես՝ նախատեսված է.
     • Կորոնավիրուսի ախտորոշմամբ հանգուցյալին տեղավորել դիերի համար նախատեսված պարկում, դրսից փակցնել վարակի միջազգային խորհրդանիշը,
     • Կատարել պարկի ու դիակի ախտահանում,
     • Դին հիվանդանոցից տեղափոխել պարկով, որի բացելն արգելվում է հուղարկավորելու ցանկացած պահին,
     • Հանգուցյալի հուղարկավորությունը պարտադիր պետք է կատարվի ժամանակին՝ ոչ ավել քան 72 ժամ, հանձնարարված է խուսափել բազմամարդ հոգեհանգստի արարողությունից,
     • Կորոնավիրուսի հաստատվելու կամ կասկածի դեպքում բացառել դիակի զմռսումը, կամ այլ հավելյալ շփումը, այդ թվում դիահերձումն՝ առանց համապատասխան անհրաժեշտության»:

5745 | 0
Facebook