Խնդրում ենք սպասել...

Համացանց

Վրաստանում ՀՀ դեսպանության հայտարարությունը՝ Սադախլոյի անցակետի մասին

22:10, երկուշաբթի, 23 մարտի, 2020 թ.
Վրաստանում ՀՀ դեսպանության հայտարարությունը՝ Սադախլոյի անցակետի մասին

Վրաստանում ՀՀ դեսպանության ֆեյսբուքյան էջը տեղեկացնում է, որ երկու երկրներում կարանտինայի ռեժիմով պայմանավորված՝ քաղաքացիների տեղաշարժի համար կգործեն սահմանափակումներ:

Հաղորդագրության մեջ ասվում է․ «Վրաստանում գտնվող և Հայաստան վերադառնալ ցանկացող ՀՀ քաղաքացիների վերաբերյալ։

Ինչպես արդեն տեղեկացրել էինք Վրաստանի Մառնեուլիի և Բոլնիսիի շրջաններում խիստ կարանտինային ռեժիմ մտցնելու պատճառով այս պահին փակ է դեպի Սադախլոյի անցակետ քաղաքացիների տեղաշարժը (սահմանափակումը չի վերաբերում բեռնատարներին)։

Վրաստանից Հայաստան մեկնել ցանկացող ՀՀ քաղաքացիներին անհրաժեշտ է իրենց տվյալները (անուն-ազգանուն, հեռախոսահամար, ծննդյան թիվ, մեքենայի պետհամարանիշ) մինչև մարտի 24-ը ժամը 12։00-ն անձնական նամակի միջոցով ուղարկել Վրաստանում ՀՀ դեսպանության ֆեյսբուքյան էջին (կամ դեսպանության Էլ. փոստին՝ armgeorgiaembassy@mfa.am)։

Հայաստան մեկնման ժամի և մեկնողների հավաքատեղիի վերաբերյալ դեսպանությունը հանդես կգա հավելյալ հայտարարություններով։

Խնդրում ենք հետևել դեսպանության ֆեյսբուքյան էջին»։

| | |
2370 | 0
Facebook
COMMENT.am