Խնդրում ենք սպասել...

Համացանց

«Այս աղետը լավագույն ապացույցն էր». Նորայր Նորիկյան

04:35, երկուշաբթի, 23 մարտի, 2020 թ.
«Այս աղետը լավագույն ապացույցն էր». Նորայր Նորիկյան

Փաստաբան Նորայր Նորիկյանը ֆեյսբուքյան իր էջում գրել է. «Անհրաժեշտ են համապատասխան գիտելիքներ՝ արտակարգ իրավիճակների դեպքում ճգնաժամերը կառավարելու մասին:
     Այս իրավիճակից հետևություններ անելու և ապագայում հնարավոր նմանատիպ մարտահրավերները չեզոքացնելու համար անհրաժեշտ է հնարավորինս արագ ստեղծել այնպիսի պաշտպանական համակարգ, որը հնարավորություն կտա ճգնաժամերի արդյունավետ կառավարման ու չեզոքացման պայմաններում նվազագույնի հասցնել ենթադրյալ վնասները:

Սա նաև կարևոր պատուհան է՝ կոնսոլիդացվելու և միասնաբար հաղթահարելու այս գլոբալ մարտահրավերը:
     Չափից դուրս կարևոր է այս պահին միասնականության և դժվարությունները համատեղ հաղթահարելու մթնոլորտի ձևավորումը:

Միաժամանակ կարծում եմ, որ առաջիկա տարիների ընթացքում նոր որակ պետք է հաղորդվի արտակարգ իրավիճակների նախարարությանը:
     Պետք է արմատապես վերանայվի այս գերատեսչության գործառույթներն ու առաքելությունը, և այդ մարմնին անհրաժեշտ է դուրս հանել «Պաժառ հանգցնող» հիմնարկի ընկալումից՝ ստեղծելով լրջագույն ենթակառուցվածքներ՝ արտակարգ իրավիճակների չեոքացման և ճգնաժամերի կառավարման հնարավորություններվ:

Այս առումով շատ էական է այդ նախարարության կազմում գործող ճգնաժամային կառավարման պետական ակադեմիայի դերն ու նշանակությունը:
     Այս աղետը լավագույն ապացույցն էր այն իրողության, որ բոլորս պետք է ունենանք համապատասխան գիտելիքներ՝ արտակարգ իրավիճակների դեպքում ճգնաժամերը կառավարելու և այն հաղթահարելու մասին»:

| | |
4863 | 0
Facebook
COMMENT.am