Մեծ Բրիտանիայում կորոնավիրուսի հետևանքով մահացածների թիվը հասել է 233-ի: Այս մասին հայտնում է Բրիտանիայի առողջապահության ազգային համակարգը:
Վարակվածների թիվը դեռևս չի թարմացվել, վերջին տվյալներով՝ 3983 մարդ է վարակված:
Ներկա պահին Բրիտանիայում ստուգում են միայն ռիսկային գոտում գտնվող անձանց և ծանր վիճակում հոսպիտալացվածներին: Ում մոտ թեթև ախտանիշներ են նկատվում, նրանց հորդորում են չդիմել բժշկի, այլ՝ ինքնամեկուսանալ 7 օրով:
Տեղի իշխանությունները խոստովանում են, որ իրականում վարակվածների թիվը կարող է ավելի շատ լինել, քան՝ հաստատված դեպքերն են: