Կառավարության նիստում վարչապետն անդրադառնալով կորոնավիրուսով պայմանավորված իրավիճակին՝ հայտարարեց․ «Երկու օր առաջ ասում էինք՝ կորոնավիրուսից հետո էլ կյանք կա, հիմա փոխվում ա՝ կորոնավիրուսի ժամանակ ևս կյանք կա։ Գլոբալ իրավիճակը և վերլուծությունները հանգեցնում են մտքին, որ էս իրավիճակը կարող է և տևել, ինչքան՝ չգիտենք։ Սա չի նշանակում, որ ենթադրենք 7 ամիս տևեց, 7 ամիս ոչ մեկ պետք ա տնից դուրս չգա։ Պետք է գտնենք ձևեր ոչ միայն գոյատևելու, այլ՝ ապրելու, աշխատելու, զարգանալու, երկիրը զարգացնելու ու նոր աշխարհը կառուցելու համար»,- ասաց Ն․ Փաշինյանը։