Խնդրում ենք սպասել...
Այսօր`  հինգշաբթի, 02 ապրիլի, 2020 թ.
Հրատապ լուրեր

Իրադարձություններ

Հայտնի է՝ որքան ժամանակով փակ կլինեն դպրոցները

21:15, երկուշաբթի, 16 մարտի, 2020 թ.
Հայտնի է՝ որքան ժամանակով փակ կլինեն դպրոցները

Հանրակրթական դպրոցներում, նախակրթարաններում և կրթական այլ հաստատություններում հարկադրված արձակուրդը կտևի մինչև արտակարգ դրության ավարտը՝ ապրիլի 14-ը:

Արտակարգ դրություն հայտարարելու մասին որոշման նախագծում կրթական հաստատությունների գործունեության սահմանափակման մասին ասվում է հետևյալը. «Արտակարգ դրության ողջ ընթացքում դադարեցվում է պետական, համայնքային և ոչ պետական հանրակրթական (այդ թվում՝ նախադպրոցական), նախնական մասնագիտական (արհեստագործական), միջին մասնագիտական և բարձրագույն ուսումնական հաստատություններումներում, արտադպրոցական դաստիարակություն իրականացնող (մանկապատանեկան ստեղծագործական և գեղագիտական կենտրոններ, երաժշտական, նկարչական և արվեստի դպրոցներ, ակումբներ, մարզադպրոցներ, առողջարարական ճամբարներ և արտադպրոցական դաստիարակություն իրականացնող այլ կազմակերպություններ) կազմակերպություններում, ինչպես նաև Հայաստանի Հանրապետությունում գործող միջազգային ուսումնական հաստատություններում ուսումնական գործընթացը, բացառությամբ հեռավար ուսուցման: Սույն կետով սահմանված սահմանափակումը չի տարածվում ռազմական ուսումնական հաստատությունների նկատմամբ»:

| | |
55893 | 0
Facebook