Իտալիայում բոլոր խանութները փակ են՝ բացառությամբ մթերային խանութների և դեղատների: Այս մասին հայտնել է երկրի վարչապետ Ջուզեպպե Կոնտեն:
«Ես իսկապես գնահատում եմ ձեր ջանքերը: Բայց եկել է հաջորդ քայլը կատարելու ժամանակը: Մենք փակում ենք առևտրային ողջ գործունեությունը, վաճառքի կետերը, բացառությամբ մթերային խանութների և դեղատների»,-հայտարարել է Կոնտեն:
Նա նշել է, որ փակվելու են նաև ռեստորանները և բարերը, հասանելի կլինեն միայն առաքումները։
Հասարակական տրանսպորտի ծառայությունները, բանկերը, փոստային բաժանմունքները, ապահովագրական և ֆինանսական ընկերությունները կշարունակեն աշխատել բնականոն ռեժիմով։
Կոնտեն գործատուներին հորդորել է աշխատակիցներին արձակուրդի ուղարկել և հեռակա կարգով կազմակերպել աշխատանքները: