COVID-19 կորոնավիրուսը հաստատվել է իրանցի 23 խորհրդարանականի մոտ, հայտնում է YJC լրատվականը՝ հղում անելով խորհրդարանի խոսնակի օգնական Աբդոլրեզա Մեսրիին, գրում է РИА Новости-ն։
Մեսրին խորհրդարանականներին կոչ է արել սահմանափակել շփումները մարդկանց հետ: Սակայն, ըստ նրա, պալատը կշարունակի աշխատել:
Վերջին տվյալների համաձայն, փետրվարի 19-ից Իրանում գրանցվել է կորոնավիրուսի 1501 դեպք, որից 66-ը մահվան ելքով, առողջացել և հիվանդանոցից դուրս է գրվել 291 մարդ: Իրանի իշխանությունները կանխատեսում են հիվանդության հետագա տարածումը: