Հետաքրքիր է

Եվրոպայի ամենաթանկարժեք գույքն է ճանաչվել Palais Bulles շքեղ առանձնատունը, որը պատկանում է 97-ամյա մոդելյեր Պիեռ Կարդենին:

Ապարանքը գտնվում է ֆրանսիական Լազուրե ափում: Նրա արժեքը կազմում է ռեկորդային՝ 305 միլիոն ֆունտ սթերլինգ:

Հայտնի կուտյուրյե և նորաձևության մագնատ Պիեռ Կարդենն այն ձեռք է բերել 1990-ակաների սկզբին աճուրդով: Այս առանձնատանը հաճախ են անցկացվել աղմկոտ երեկույթներ:

2015-ին մոդելյերն այն փորձել է վաճառել 300 միլիոն ֆունտ սթերլինգով, սակյան այն ժամանակ գնորդ չի գտնվել:

Palais Bulles-ը կամ «Պղպջակների պալատը» կառուցվել է 1979 թվականին, գտնվում է Թեուլ սյուր Մեր կոմունայում՝ Մերձծովյան Ալպերում՝ Միջերկրական ծովի ափին: Տան մակերեսը մոտ 1200 քառակուսի մետր է: Այն ունի 11 լոգասենյակ, 10 լյուքս ննջասենյակ՝ ձևավորված ժամանակակից նկարիչների կողմից, հյուրասենյակ, գեղատեսիլ օթյակ և այլն:

Բակն ունի 790 քառակուսի մ մակերես, որտեղ կան այգիներ, լճակներ, լողավազան, ամֆիթատրոն՝ 500 հոգու համար նախատեսված, որը նայում է դեպի ծով: