«Չեմ ուզում բժշկական գաղտնիքներ բացահայտել, բայց այդ պացիենտն ընդհանրապես կորոնավիրուսի կասկածով չի տեղափոխվել»,- ասաց Առողջապահության նախարարը՝ ի պատասխան լուրերի, ըստ որի՝ «Արմենիա» բժշկական կենտրոնից մեկ հիվանդի բարձր ջերմությամբ տեղափոխել են «Նորք» ինֆեկցիոն հիվանդանոց:
Ի դեպ, որպես թեմայի շարունակություն նշենք, որ MAMUL.am-ի թղթակիցն այսօր փորձեց տեղեկություններ ստանալ «Նորք» ինֆեկցիոնից, թե կորոնավիրուսի կասկածով քանի՞ հիվանդ կա իրենց մոտ և երբվանի՞ց: Թվային տվյալներ հրաժարվեցին հայտնել, միայն ասացին, որ հաստատված դեպք չկա, արդեն մեկ ամիս է՝ ընդունում, դուրս են գրում ջերմության նշաններով Չինաստանից, Իրանից եկած ՀՀ քաղաքացիների: