Ռոբերտ Քոչարյանի որդիները՝ Լևոն ու Սեդրակ Քոչարյանները ՀՔԾ հարցաքննության են հրավիրվել «5-րդ ալիք»-ի սեփականատեր Արմեն Թավադյանի գործով: Այդ մասին լրագրողներին հայտնել է ինքը՝ Լ. Քոչարյանը: Ըստ նրա՝ իրենք ունեցել են վկայի կարգավիճակ: Եղբայրները հրաժարվել են ցուցմունք տալուց:
Լ. Քոչարյանը նշել է, որ հրաժարումը բացատրել են այդ մարմնի հանդեպ իրենց վերաբերմունքով: Նրանց կարծիքով՝ այդ մարմինը եղել է կանխակալ, բազմիցս խախտել է անմեղության կանխավարկածը: