Խնդրում ենք սպասել...
Այսօր`  երկուշաբթի, 06 ապրիլի, 2020 թ.

Հարցազրույցներ

«Կորոնավիրուսի տարածումը անծուխ պատերազմ է». Մհեր Սահակյան

22:10, երկուշաբթի, 24 փետրվարի, 2020 թ.
«Կորոնավիրուսի տարածումը անծուխ պատերազմ է». Մհեր Սահակյան

«Առաջին լրատվական»-ի եթերում «Չինաստան-Եվրասիա» քաղաքական և ռազմավարական հետազոտությունների խորհրդի ղեկավար Մհեր Սահակյանը նշել է, որ ներկայումս իրավիճակը Չինաստանում մտահոգիչ է. «Թե՛ մահացությունների թիվն է աճում, թե՛ վարակի սփռման աշխարհագրությունն է մեծանում։ Իհարկե, Չինաստանը մեծ երկիր է, ունի հնարավորություններ, և իր ամբողջ ռեսուրսները կենտրոնացրել է այս վարակի դեմն առնելու համար։ Համենայնդեպս, սա կատարվում է, բայց, քանի որ դեռևս այս հիվանդության պատվաստանյութը չի գտնվել, կարելի է ասել, որ Չինաստանը փորձում է ժամանակ շահել։ Մենք տեսնում ենք, որ Չինաստանում անծուխ պատերազմ է գնում»,- ասել է նա։

Սահակյանը նաև նշել է, որ հիվանդությունն ավելի շատ վտանգավոր է նորածինների և տարիքով մեծերի համար, որոնք ունեն նաև շնչառական խնդիրներ։ Երիտասարդներն ավելի շուտ են վերականգնվում։

«Կան նաև բուժման դեպքեր, բայց այստեղ մի զգուշություն էլ պետք է կիրառել․ ասում են՝ բուժվել են, բայց չինացիները նրանց դեռ պահում են կարանտինի մեջ, որպեսզի հասկանան՝ այս հիվանդությունը կրկնվելու հիմք ունի՞, թե՞ չէ»,- նշել է նա:

Նրա խոսքով՝ Հայաստանում վիրուսի կանխարգելմանն ուղղված միջոցառումները դանդաղել են Իրանի հետ սահմանի փակման առումով:

Մանրամասները՝ սկզբնաղբյուրում:

| | |
2800 | 0
Facebook