«Ես չեմ խուսափում, ես կիրառել եմ երկու հատուկ միջոց.... Կտեսնեք կադրերում՝ կզգաք ինչու եմ կիրառել»,- դատական նիստից հետո լրագրողների հետ զրույցում ասաց նախկին փոխոստիկանապետ Լևոն Երանոսյանը:
Արդեն հայտնել էինք, որ այսօր դատարանում ուսումնասիրվել են գործում առկա տեսաձայնագրությունները:
Հիշեցնենք, ըստ նախաքննական մարմնի, 2018թ. ապրիլին հատուկ միջոցների գործադրմամբ դիտավորությամբ Երանոսյանը կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ: