Խոջալուի վերաբերյալ Ադրբեջանի նախագահի հայտարարություններին ի պատասխան` ՀՀ վարչապետը հիշեցրեց, որ 90-ականների կեսին Ադրբեջանի նախկին նախագահ Այազ Մութալիբովը հարցազրույց էր տվել ռուսական թերթին` ասելով, որ Խոջալուի սադրանքը կազմակերպվել էր ադրբեջանական ընդդիմության կողմից` նրան իշխանությունից հեռացնելու նպատակով: «Եվ դա իմիջիայլոց տեղի ունեցավ, որովհետև այդ իրադարձության հետևանքով Մութալիբովը հեռացվեց Ադրբեջանի նախագահի պաշտոնից»,- ասաց Փաշինյանը: