Խնդրում ենք սպասել...
Այսօր`  երկուշաբթի, 24 փետրվարի, 2020 թ.

Իրադարձություններ

«Եթե մենք մեքենա վառող լինեինք, մեզ հետ այդպես չէին խոսի». Նիկոլ Փաշինյան

17:50, չորեքշաբթի, 12 փետրվարի, 2020 թ.
«Եթե մենք մեքենա վառող լինեինք, մեզ հետ այդպես չէին խոսի». Նիկոլ Փաշինյան

«Եթե մենք մեքենա վառող լինեինք, մեզ հետ այդպես չէին խոսի, որովհետև եղել են մեքենա վառողներ, պադյեզդներում ծեծողներ, կրակող-սպանողներ, և այդ նույն մարդիկ երբեք այդ մարդկանց հետ այդ տոնով չեն խոսել, որովհետև իմացել են, որ դրան իսկապես կարող է հաջորդել մեքենա վառելը, շքամուտքում ծեծելը». փետրվարի 12-ին ԱԺ-Կառավարություն հարցուպատասխանի ժամանակ ասաց վարչապետ Նիկոլ Փաշինյանը՝ ի պատասխան պատգամավոր Սիսակ Գաբրիելյանի, թե ինչ նկատի ուներ ՍԴ հանրաքվեի մասին իր ելույթում՝ նշելով «ով կխոչընդոտի ժողովրդի ազատ կամքի արտահայտմանը, կհամարենք հակապետական ուժ»: «Որոշ ուժեր «գող՝ սիրտը դող» սկզբունքով շտապեցին հայտարարել, որ մեզ դաժան օրեր են սպասվում: Կպարզաբանե՞ք, թե ինչ էիք նկատի ունեցել: Արդյոք, օրինակ, պատրաստվո՞ւմ եք վառել նրանց մեքենաները, որովհետև նման հարցադրում անգամ էստեղ է եղել»,- հավելեց պատգամավորը:

«Մենք ասում ենք՝ եկեք գնանք, ժողովրդին հարցնենք և ապահովենք ժողովրդի ազատ կամարտահայտությունը: Եթե ուժ կա, որ ասում է՝ չէ ես ժողովրդին չպետք է հարցնեմ, պետք է հարցնեմ ՍԴ-ին, այս իրավիճակում բխում է որոշակի հետևություն»,- նշեց Ն. Փաշինյանը և կրկին ընդգծեց «ժողովրդի կամքին դե ֆակտո և դե յուրե խոչընդոտողները» ձևակերպումը, պարզաբանեց, որ դե ֆակտոն ընտրակաշառքն է, սպառնալիքն աշխատանքից ազատելու:

| | |
2585 | 0
Facebook