Խնդրում ենք սպասել...
Այսօր`  երկուշաբթի, 24 փետրվարի, 2020 թ.

Համացանց

Նիկոլ Փաշինյանը բանաստեղծություն է գրել հանրաքվեի մասին

21:10, երեքշաբթի, 11 փետրվարի, 2020 թ.
Նիկոլ Փաշինյանը բանաստեղծություն է գրել հանրաքվեի մասին

ՀՀ վարչապետ Նիկոլ Փաշինյանը նոր բանաստեղծություն է գրել, որը նվիրված է առաջիկա հանրաքվեին:

«Այս բանաստեղծությունը նվիրում եմ Հայաստանի Հանրապետության հպարտ Քաղաքացու՝ ապրիլի 5-ի հաղթանակին»,- գրել է նա:

Բանաստեղծությունը՝ ստորև:

Հանրաքվե

Հեղափոխությանը ասում եմ Այո,
     Ետ ճամփա չունի դեպի գաղջ անցյալ՝
     Իր վաղվա օրվան ժպիտով նայող,
     Ժողովուրդը բորբ, հպարտ, միացյալ:

Արդարությանը ասում եմ Այո,
     Ոչ մի հրոսակ որ չխուսափի,
     Հանցանքին արժան պատասխան տալու
     Եւ հատուցելու ահեղ սարսափից:

Ազատությանը Այո եմ ասում,
     Իմ ձեռքերով եմ նվաճել քանզի,
     Երկար տարիներ դավերով բազում,
     Ինձանից խլված արժեքն այդ հազիվ:

Այո եմ ասում Նոր Հայաստանին,
     Երջանիկ, հզոր, ինքնիշխան, ազատ:
     Եւ ժողովրդիս՝ ասում ընտանիք,
     Եւ հայրենիքիս՝ օջախ հարազատ:

Հեղափոխությանը ասում եմ Այո,
     Ետ ճամփա չունի դեպի գաղջ անցյալ,
     Իր ապագային ժպիտով նայող,
     Ժողովուրդը բորբ, հպարտ, միացյալ:

| | |
3454 | 1
Facebook