Խնդրում ենք սպասել...
Այսօր`  երեքշաբթի, 18 փետրվարի, 2020 թ.

Իրադարձություններ

Հայտնի է Վահագն Վերմիշյանին ենթադրյալ կաշառք տված անձի ինքնությունը

20:35, երկուշաբթի, 10 փետրվարի, 2020 թ.
Հայտնի է Վահագն Վերմիշյանին ենթադրյալ կաշառք տված անձի ինքնությունը

Քաղաքաշինության կոմիտեի նախագահ Վահագն Վերմիշյանին ենթադրյալ կաշառք տված անձը Քննչական կոմիտեի Երևանի քննչական վարչության նախկին պետ Ջոն Ֆարխոյանն է: Armtimes.com-ի հարցին ի պատասխան՝ Ազգային անվտանգության մամուլի կենտրոնից տեղեկացրին, որ Ֆարխոյանին մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով (առանձնապես խոշոր չափի կաշառք տալը):

Հիշեցնենք, որ դատարանը բավարարել է նրան կալանավորելու միջնորդությունը՝ միաժամանակ թույլատրելի համարելով գրավի կիրառումը: Մեր տեղեկություններով՝ նա ազատ է արձակվել 5 միլիոն դրամի դիմաց:

Նշենք, որ Ջոն Ֆարխոյանը Քննչական կոմիտեի Երևանի քննչական վարչության նախկին պետի պաշտոնից ազատվել է այս տարվա հունվարի 22-ին:

Վահագն Վերմիշյանին մեղադրանք է առաջադրվել առանձնապես խոշոր չափերի կաշառք ստանալու համար: Նրա նկատմամբ որպես խափանման միջոց է ընտրվել կալանավորումը:

| | |
3720 | 1
Facebook