Խնդրում ենք սպասել...

Հարցազրույցներ

Հրայր Թովմասյանը՝ Նիկոլ Փաշինյանի հետ հարաբերությունների մասին

23:45, երեքշաբթի, 28 հունվարի, 2020 թ.
Հրայր Թովմասյանը՝ Նիկոլ Փաշինյանի հետ հարաբերությունների մասին

«Ես Հայաստանում թշնամիներ չունեմ և որևէ մեկի հետ թշնամական հարաբերություններ չեմ կարող ունենալ»,- 168 TV-ի եթերում ասել է ՍԴ նախագահ Հրայր Թովմասյանը՝ անդրադառնալով իր և ՀՀ վարչապետ Նիկոլ Փաշինյանի հարաբերություններին։

«Ես՝ որպես ՍԴ նախագահ, իրավունք չունեմ որևէ մեկի հետ լարված հարաբերություններ ունենալ։ Իմ լիազորությունները նման բան չեն ենթադրում։ Ես հարգանք ունեմ պետական ինստիտուտների նկատմամբ։ Ինչ վերաբերում է անձնական հարաբերություններին, իմ արժանապատվությանը հասցված վիրավորանքին, ապա ինձ կարող եմ պահել այնպես, ինչպես կպահեր ցանկացած հայ տղամարդ, ուստի այդ հարաբերությունները կբնութագրեմ ինստիտուցիոնալ, ինչը որ նախատեսված է մեր Սահմանադրությամբ՝ ինչպիսին կարող են լինել ՍԴ նախագահի և վարչապետի միջև հարաբերությունները», - ասել է ՍԴ նախագահը՝ հավելելով, որ վարչապետի հետ անձնական հարաբերություններ չունի։

Նրա խոսքով՝ այդուհանդերձ, լարված հարաբերությունները չեն կարող որևէ բիծ թողնել իր աշխատանքի և լիազորությունների վրա. «Եթե մի տեղ անձնականը վեր դրեցինք պետականից, այդ դեպքում պետությունը կավարտվի», - նշել է նա:

Մանրամասները՝ տեսանյութում:

Հրայր Թովմասյանը՝ Նիկոլ Փաշինյանի հետ հարաբերությունների մասին
| | |
2882 | 0
Facebook