Խնդրում ենք սպասել...
Այսօր`  հինգշաբթի, 20 փետրվարի, 2020 թ.

Հետաքրքիր է

Ինչ նախնական ախտանշաններ է ունենում չինական կորոնավիրուսով վարակված մարդը

10:55, կիրակի, 26 հունվարի, 2020 թ.
Ինչ նախնական ախտանշաններ է ունենում չինական կորոնավիրուսով վարակված մարդը

Չինացի բժիշկները ներկայացրել են այն ախտանշանները, որոնք ունենում են չինական կորոնավիրուսով վարակված մարդիկ: Ըստ նրանց՝ հարբուխ կամ գրիպ հիշեցնող նշաններն ի հայտ են գալիս հիվանդության ուշ փուլում: Իսկ թոքաբորբի սկզբում ի հայտ են գալիս ոչ բնորոշ ախտանշաններ, որոնք են փորլուծությունը, սրտխառնոցը, մարսողական այլ խնդիրները, գլխացավերը, առավել հազադեպ՝ ուժգին սրտխփոցները, կրծքում սեղմման զգացողությունը:

Նշվում է նաև, որ մի շարք դեպքերում հիվանդների մոտ դրսևորվել են միայն ատիպիկ ախտանշաններ, նրանք չեն ջերմել, ուստի կորոնավիրուսի ախտորոշումը հնարավոր է դարձել միայն հավելյալ անալիզների հետո:

Հիշեցնենք, որ դեկտեմբերի վերջերին չինացի բժիշկները Առողջապահության համաշխարհային կազմակերպոթյանը հիշեցրել էին անհայտ ծագման թոքաբորբի մասին Ուհան քաղաքում: Հարուցիչը 2019-nCoV կորոնավիրուսն է:

Այժմ արդեն, ըստ պաշտոնական տվյալների՝ միայն Չինաստանում վարակված է 1975 մարդ, 56-ն արդեն մահացել է:

| | |
12713 | 0
Facebook