Խնդրում ենք սպասել...
Այսօր`  հինգշաբթի, 20 փետրվարի, 2020 թ.

Համացանց

«Այդ հիմնախնդիրը հասարակության լայն շերտերի ուշադրության կենտրոնում է». Լևոն Շիրինյան

03:10, կիրակի, 26 հունվարի, 2020 թ.
«Այդ հիմնախնդիրը հասարակության լայն շերտերի ուշադրության կենտրոնում է». Լևոն Շիրինյան

Քաղաքական գիտությունների դոկտոր, պրոֆեսոր Լևոն Շիրինյանը ֆեյսբուքյան իր էջում գրել է. «Վարչապետը Կապանում հիմնավորապես անդրադարձավ կրթական և բուհական համակարգում «Հայոց լեզու» և «Հայոց պատմություն» առարկաների դասավանդման հարցերին: Հայտնի է, որ այդ հիմնախնդիրը հասարակության լայն շերտերի ուշադրության կենտրոնում է: Անկախ այն հանգամանքից, թե ինչպիսի լուծում կստանա առաջադրված հարցը, բուհական համակարգում լայն ընդգրկում և տարածում պետք է ունենա քաղաքագիտությունը՝ որպես գիտություն և արվեստ, քաղաքական հայագիտությունը և արմատական ճշգրտման կարիք ունեցող Հայաստանի քաղաքական պատմությունը: Հումանիտար ֆակուլտետներում ֆորմացիոն մարքսիստական տեսության սահմանափակմանը զուգահեռ, պետք է առաջ մղվի պատմության բացատրության մշակութային-քաղաքակրթական հայեցակարգը, որն էլ կազմելու է պատմության վերակազմության (ռեկոնստրուկցիա) հիմնական բովանդակությունը»:

| | |
3290 | 0
Facebook