Մեծ Բրիտանիայի վարչապետ Բորիս Ջոնսոնը ստորագրել է Brexit-ի փաստաթուղթը։ Այս մասին նա գրել է Twitter միկրոբոլոգի իր էջում:
«Այս ստորագրությունը նոր էջ է բացում մեր երկրի պատմության մեջ»,- հայտնել է Ջոնսոնը:
Փաստաթուղթն արդեն ստորագրել են Եվրոխորհրդի ղեկավար Չարլզ Միշելը և Եվրոհանձնաժողովի նախագահ Ուրսուլա ֆոն դեր Լեյենը: Փաստաթղթի վավերացումը նախատեսված է հունվարի 29-ին՝ Եվրոխորհրդարանում, որից հետո Մեծ Բրիտանիան և ԵՄ-ն պետք է կնքեն առևտրային համաձայնագիր: Brexit-ը նախատեսված է հունվարի 31-ին՝ ժամը 23:00-ին: