Խնդրում ենք սպասել...

Միջազգային

Ամերիկյան խոշորագույն ընկերությունները 10 տարվա ընթացքում 500 մլն են ծախսել Կոնգրեսում՝ լոբբինգի համար․ #TheWashingtonPost

15:25, հինգշաբթի, 23 հունվարի, 2020 թ.
Ամերիկյան խոշորագույն ընկերությունները 10 տարվա ընթացքում 500 մլն են ծախսել Կոնգրեսում՝ լոբբինգի համար․ #TheWashingtonPost

Ամերիկյան խոշորագույն ձեռնարկությունները՝ Apple-ը, Amazon-ը, Facebook-ը, Google-ը, Microsoft-ը, Twitter-ը և Uber-ը 2010 թվականից մինչև 2019 թվականները ծախսել են գրեթե 500 միլիոն դոլար` լոբբինգ անցկացնելով ԱՄՆ Կոնգրեսում ի նպաստ սեփական շահերի, գրում է The Washington Post-ը:

Ըստ պարբերականի, տասնյակ ընկերություններից ամենաշատ գումարը ծախսել է Google-ը: Վերջինիս ծախսերը գնահատվում են 150 միլիոն դոլար, իսկ Facebook- ը և Amazon-ը՝ 81 միլիոն և 80 միլիոն դոլար:
     Ամենաքիչ ծախսերն ունեն Twitter-ը և Uber-ը, որոնք միջին հաշվով, տարեկան 1 միլիոն դոլարից մինչև 3 միլիոն դոլար են ծախսել: Անցած տասը տարիների ընթացքում ծախսված ողջ գումարի ճշգրիտ տվյալները հոդվածում ներկայացված չեն:

«Այս ընկերություններն ունեն տնտեսական և քաղաքական մեծ ազդեցություն, և նրանք ծախսում են հարյուր միլիոնավոր դոլարներ իրենց ստատուս-քվոն պահպանելու համար»,- նշել է ԱՄՆ Ներկայացուցիչների պալատի անանուն աղբյուրը, ով ղեկավարում է խոշոր ընկերությունների դեմ իրականացվող հակամենաշնորհային հետաքննությունը:

Ընկերությունների մեծ մասը հրաժարվել է մեկնաբանել հոդվածում նշված տվյալները:

7378 | 0
Facebook