Իրադարձություններ

Վարչապետ Նիկոլ Փաշինյանը Կառավարության նիստում անդրադարձավ կաթի արտադրության հետ կապված խնդիրներին: «Մի դեպքում խնդիր ունենք, որ կաթ արտադրողներն այնքան էլ գոհ չեն մթերման գներից, մյուս կողմից ունենք արտադրողներ, որոնք ՀՀ ներսում չեն կարողանում անհրաժեշտ հումքը ձեռք բերել: Սա էն դիլեման է, երբ փորձում ենք լուծել՝ այդ թվում խելացի անասնագոմերի ծրագրով: Այն ձևերը, որոնցով սովոր ենք կաթ արտադրել, այդ ձևերով արտադրված կաթն այլևս մրցունակ չէ շուկայում՝ բիզնես գործունեություն ծավալելու համար, դրա համար քաջալերում ենք գյուղացիներին՝ ներգրավվել խելացի անասնագոմերի կառուցման ծրագրի մեջ, որտեղ ծախսված գումարի 50 տոկոսը վերադարձնում ենք, սահմանամերձ հատվածներում ու զինթոշակառուների դեպքում՝ վերադարձնում ենք 70 տոկոսը»,- հայտարարեց Փաշինյանը: Նրա խոսքով՝ երբ գյուղերում մտնում ես անասնագոմեր, հեղձուցիչ տաք է՝ «էնպես անենք կովերը չմրսեն» կանխավարկածով, բայց «կովերը մինչև -30 աստիճան չեն մրսում, հակառակը, տաքը խանգարում է նորմալ կաթնատվությանը»,- հավելեց վարչապետը: «Գիտեմ, հիմա կասեն՝ մենք հազար տարի կով ենք պահում, չգիտե՞նք՝ կովը երբ ա մրսում, երբ՝ չէ»,- կատակեց նա: