Ազատամարտիկ Հովհաննես Գալստյանը ֆեյսբուքյան իր էջում գրել է. «Հինգ տարի առաջ, «ՎԱՐԴԱՆԱՆՔ» չկարդալու պատճառով, Սերժիկը Ծառուկյանին հեռացրեց քաղաքականությունից` ապացուցելով, որ քաղաքական դաշտում եղածներից շատերի համար քաղաքականությունից մինչև քաղաքաքլանություն մի քայլ է:
Պյութագորասի թեորեմը չիմանալու պատճառով էլ խուզարկվեցին Գագոյի օբեկտները:
Աշոտյանն ու փուչիկ Կարենը երգեցին իրենց հանրահայտ արիաները՝ «ՀԱ, ՀԵՆՑ ԴՈԴԻ ԳԱԳՈ» վերնագրով:
Շատ ԲՀԿ-ականներ իջան ջրի հատակը, մինչև կանցներ վտանգը:
Իսկ Պյութագորասի թեորեմ իմացող ԲՀԿ-ականները համալրեցին ՀՀԿ շարքերը:
Արցախում գործող «ԲԱԿՈ ՀԱՐԱՄ» կազմակերպությունն իր աջակցությունը հայտնեց իշխանությունների գործողություններին:
Առնետավազքի մասնակիցներն ապացուցեցին, որ ոչ թե «Վարդանանք», այլ «Կարմիր գլխարկ»-ն էլ կարդացած չլինես, ՀՀԿ-ում ապահով տեղ կունենաս:
Հիմա կասեք՝ բա թագավո՞րը, բա թագավորի զո՞րքը:
Ի՞նչ զորք:
Աբովյանի գազելներն այդպես էլ չկարողացան բարձրանալ Հայաստանի լեռները:
Երկու տարի հետո, երբ Սերժիկին նորից ընդդիմություն էր պետք, նա Գագո ձյաձյային ետ բերեց և ժողովուրդը վերջնականապես համոզվեց, որ փողոցում ՀՀԿ տատիկի և ՀՀՇ Գևորիկի 200 դրամի համար կռիվն ավելի լուրջ էր, քան մտքի երկու գիգանտների պատերազմը:
ԵՎ նա նորից վերադարձավ ՄԵԾ ՔԱՂԱՔԱԿԱՆՈՒԹՅՈՒՆ: Իսկ հիմա որտե՞ղ է նա...
Ճիշտ է` ուղղիչ աշխատանքային ԱԺ-ում:
Ինչո՞ւ հիշեցի...
ՖԲ-ն հիշեցրեց, որ հինգ տարի առաջ` Մկի տանը տեղի ունեցած խորհրդավոր ընթրիքից հետո, ՄԵԾ ԼՈՌԵՑՈՒ պոեմի բառերով նկարագրել էի տեղի ունեցածը՝
Նստած է Սերժը. նրա առաջին
Ահա իրիկվան քեֆի սեղանը.
Նայում է Սերժը անտեր գահույքին,
Մտքովն անցնում է աշխարհքի բանը:
Աշխարհքում հաստատ չկա ոչ մի բան,
Ու մի՛ հավատալ երբեք ոչ մեկին.
Ոʹչ բախտի, փառքի, ոʹչ ղումարի հաղթության,
Ոʹչ էլ սիրած խնամու տված բաժակին...
«ԱՌԻՆՋԱԲԵՐԴԻ ԱՌՈՒՄԸ»»: