Միջազգային

Անցած ութ ամիսների ընթացքում Հոնկոնգում չարտոնված ցույցերի մասնակիցների ընդհանուր թիվը մինչ այժմ գերազանցել է 7000-ը: Այս մասին այսօր հաղորդել է South China Morning Post թերթը՝ վկայակոչելով տեղի ոստիկանության հանձնակատար Քրիս Թանի տրամադրած վերջին տվյալները:

Հրապարակման համաձայն, ամռան սկզբից ի վեր ձերբակալվել է 7019 իրավախախտ, որոնց 40%-ը ուսանողներ են: Դատարանի որոշմամբ գրեթե 1,1 հազար մարդ արդեն պատասխանատվության է ենթարկվել, այդ թվում՝ 547-ը՝ անկարգությունների հոդվածով նախատեսված մեղադրանքով:

Զանգվածային ցույցերը Հոնկոնգում սկսվել են 2019 թվականի հունիսից, երբ կառավարությունը որոշում կայացրեց ենթադրյալ հանցագործներին արտահանձնել Չինաստանին: Ավելի ուշ այս օրենքը չեղարկվց, սակայն ցույցերը չդադարեցին։ Ակտիվիստները պահանջում են ազատ ընտրություններ, ոստիկանական դաժանությունների անկախ հետաքննություն, նախորդ ակցիաների ժամանակ կալանավորվածների ազատ արձակում և այլն: