Դմիտրի Մեդվեդևի կառավարության անդամները մինչև վերջին պահը տեղյակ չեն եղել նոր որոշման մասին, հայտնում է «Московский комсомолец»-ը՝ հղում անելով Մեդվեդևի շրջապատի աղբյուրներին:
Ըստ աղբյուրների, կառավարության հրաժարականի մասին Մեդվեդևն անձամբ նախապես ոչինչ չի իմացել կամ տեղեկացել է «մնացածներից ոչ շուտ»: Կառավարության լուծարման մասին չի խոսվել նաև հունվարի 13-ին, երբ նախկին վարչապետի հետ քննարկվել է աշխատանքային գրաֆիկը մինչև հունվարի վերջ, և Մեդվեդևն ակտիվորեն պատրաստվում էր հունվարի 16-ին նախատեսված կառավարության նիստին, հայտնել են թերթի զրուցակիցները:
ՌԴ հարկային ծառայության նախագահ Միխայիլ Միշուստինը, ով ակնկալվում է, որ կզբաղեցնի վարչապետի պաշտոնը, այդ օրը քննարկում էր «ինչ որ ոչ կարևոր հարց», իր Telegram ալիքում գրում է RT գործակալության գլխավոր խմբագիր Մարգարիտա Սիմոնյանը:
«Կամ նա ֆենոմենալ զսպվածության տեր մարդ է, կամ իրականում ոչինչ չգիտեր»,- նշել է Սիմոնյանը:
Ըստ Forbes-ի՝ կառավարության մոտ կանգնած աղբյուրների, Վլադիմիր Պուտինը դժգոհ է եղել Մեդվեդևի կառավարության աշխատանքից: