Թուրքիայի նախագահ Ռեջեփ Էրդողանը խոստացել է դաս տալ Լիբիական ազգային բանակը գլխավորող մարշալ Խալիֆա Հաֆթարին, երբ վերջինը հրաժարվել է դադարեցնել կրակը, հայտնում է Reuters-ը:
Ավելի վաղ Մոսկվայում ընթացող՝ Լիբիայի հակամարտող երկու կողմերի միջև բանակցությունները տապալվել էին։ Բանակցություններին մասնակցելու նպատակով նախօրեին Մոսկվա էին ժամանել ՄԱԿ-ի կողմից ճանաչված լիբիական կառավարության ղեկավար Ֆայեզ ալ Սարաջը և երկրի երկրորդ քաղաքի` Բենգազիում տեղակայված «Լիբիական ազգային բանակի» հրամանատար Խալիֆա Հաֆթարը: