Խնդրում ենք սպասել...
Այսօր`  երկուշաբթի, 27 հունվարի, 2020 թ.

Համացանց

«Դժվար է հիշել մի որևէ Ամանոր, երբ կեսգիշերին հիմն է հնչել». Վահագն Թևոսյան

13:55, ուրբաթ, 10 հունվարի, 2020 թ.
«Դժվար է հիշել մի որևէ Ամանոր, երբ կեսգիշերին հիմն է հնչել». Վահագն Թևոսյան

ԱԺ «Իմ քայլը» խմբակցության պատգամավոր Վահագն Թևոսյանը ֆեյսբուքյան իր էջում գրել է. «Երեկ Հեռուստատեսության և ռադիոյի հանձնաժողովը նիստ է հրավիրել՝ քննարկելու համար Ամանորի գիշերը մի շարք հեռուստաընկերությունների կողմից ՀՀ հիմնը չհեռարձակելու հարցը:

Նախ արձանագրենք, որ դժվար է հիշել մի որևէ Ամանոր, երբ կեսգիշերին հիմն է հնչել, չնայած` դա օրենքի պահանջ է (գուցե ես եմ սխալ հիշում, եթե այդպես է, ներողություն): Բացի այդ, օրենքը սահմանում է, որ այդ պարտավորությունը հատկապես դրված է հեռուստաընկերությունների ուսերին: Բայց այս ամենը մի կողմ:

Երեկվա նիստի ընթացքում արձանագրվել է, որ ՀՌ մասին օրենքն ունի պահանջ, բայց այդ պահանջի չկատարման դեպքում չկա սահմանված պատժաչափ, ու վարույթ չի հարուցվել: Ստացվում է, որ հարցը մինչև այժմ թողնված է եղել կողմերի բարի կամքի դրսևորմանը՝ հեռուստաընկերությունների դեպքում եթեր հեռարձակելու, իսկ ՀՌՀ դեպքում՝ ըստ տրամաբանության, որոշում կայացնելու, դա չանելու պարագայում զրկել, թե չզրկել լիցենզիայից:

Այսպիսի կիսատ կարգավորումները, որոշ դեպքերում նույնիսկ դրանց բացակայությունն աուդիովիզուալ մեդիածառայությունների մատուցման օրենսդրության մեջ քիչ չեն, ինչը խոցելի է դարձնում հեռուստաընկերությունների գործունեությունն ու չի սահմանում անելիքների ու սպասելիքների հստակություն: Առաջիկայում սպասվող բավական ծավալուն օրենսդրական բարեփոխումներում այդ ամենը հաշվի է առնվելու»:

| | |
4322 | 1
Facebook