Վլադիմիր Կարապետյանը ֆեյսբուքյան իր էջում տեղեկացրել է, որ այսօրվանից այլևս չի կատարում վարչապետի մամուլի քարտուղարի պարտականությունները։ «Վարչապետ Փաշինյանի գրասենյակում աշխատելու այս մեկ տարին գերազանց փորձ էր: Ինչպես խոստացել էի նշանակումից առաջ, գործս արել եմ հավեսով ու նվիրումով։ Շնորհակալ եմ»,- գրել է նա:
Ասում են՝ առաջիկայում պաշտոնից կազատվի նաև վարչապետի աշխատակազմի հանրային կապերի և տեղեկատվության կենտրոն ՊՈԱԿ-ի ղեկավար Հովհաննես Մովսիսյանը:
Ըստ լուրերի՝ Նիկոլ Փաշինյանը դժգոհ է նրանց աշխատանքից: Մասնավորապես, Հովհաննես Մովսիսյանի ղեկավարած ՊՈԱԿ-ը, որը կոչված է պայքարելու «ֆեյք նյուզի» դեմ, և որի վրա միջոցներ են ծախսվում, բավարար արդյունք չի ապահովում: