Քրեական հեղինակություն Արտյոմ Կանևսկոյին (Արտյոմ Հարությունով) բերման ենթարկելուց 2-3 ժամ հետո բաց են թողել, ասել է Արտյոմ Կանևսկոյի փաստաբան Հովսեփ Սարգսյանը։
Հիշեցնենք, որ ՀՀ ոստիկանությունը ավելի վաղ հայտնել էր, որ բերման է ենթարկել քրեական հեղինակություն համարվող Արտյոմ Կանևսկոյ մականունով հայտնի Արտյոմ Հարությունովին և նրա թիկնապահներին։ Նրանք բերման էին ենթարկվել ապօրինի զենք-զինամթերք պահելու կասկածանքով։ Այս գործողությունը ներկայացվել էր քրեական ենթամշակույթն արմատախիլ անելուն ուղղված քայլ։