Իրանի Մեջլիսը հունվարի 7-ին միաձայն կողմ է քվեարկել Պենտագոնը որպես ահաբեկչական կազմակերպություն ճանաչելու մասին օրինագծին, հայտնել է Fars գործակալությունը:
Օրինագծի համաձայն՝ «ահաբեկիչների ցանկում են Պենտագոնի բոլոր անդամները և դրա հետ առնչություն ունեցող հաստատություններն ու կազմակերպությունները:
Ցանկում են նաև դրանց ղեկավարները, որոնք մասնակցել են Իրաքում իրանցի գեներալ Ղասեմ Սոլեյմանիի սպանությանը»:
Համաձայն խորհրդարանի ընդունած օրինագծի կետերից մեկի՝ Իրանի իշխանությունները պետք է երկրի զարգացման ազգային հիմնադրամից 200 միլիոն եվրո հատկացնեն Իսլամական հեղափոխության պահապանների կորպուսի հատուկ նշանակության ուժերին: