ԱՄՆ նախագահ Դոնալդ Թրամփը սպառնացել է պատժամիջոցներ կիրառել Իրաքի նկատմամբ, եթե վերջինը թշնամական գործողություններ ձեռնարկի Միացյալ Նահանգների դեմ:
«Եթե կա որևէ թշնամություն, եթե նրանք անեն այնպիսի բան, որը մենք անթույլատրելի ենք համարում, ապա պատժամիջոցներ կկիրառենք Իրաքի դեմ, շատ լուրջ պատժամիջոցներ»,- լրագրողների հետ ճեպազրույցում հայտարարել է Թրամփը, գրում է РИА Новости գործակալությունը:
Նախագահն ընդգծել է, որ ԱՄՆ զինված ուժերը չեն լքի Իրաքը, քանի դեռ նրանք չեն վճարել ԱՄՆ-ի կողմից կառուցված ռազմաբազայի համար:
«Մենք չենք հեռանա, մինչև մեր գումարները չվերադարձնեն»,- հայտարարել է Թրամփը։
Ներկայում Իրաքում մոտ 5 հազար ամերիկացի զինծառայող կա: