Լիբիայի ազգային բանակի ռազմաօդային ուժերը օդային հարվածներ են հասցրել Տրիպոլիում ռազմական քոլեջի ուղղությամբ: Սպանվել է զինվորական քոլեջի 28 ուսանող, վիրավորվել՝ 18-ը: Գրում է ТАСС գործակալությունը՝ հղում անելով Afrigatenews տեղեկատվական պորտալին։
Լիբիայի ազգային բանակի ռազմաօդային ուժերը հայտարարել են «Բարկության հրաբուխ» գործողության մեկնարկի մասին, որի ժամանակ ռմբակոծվել է Լիբիայի մայրաքաղաքի Ալ-Հադբա ալ-Հադրա բնակելի թաղամասը, որտեղ գտնվել է ռազմական քոլեջը։
Այլ տվյալներով՝ սպանվել է ավելի քան 38 մարդ, այդ թվում՝ թուրք սպաներ: Այս տեղեկատվությունը պաշտոնապես չի հաստատվել:
Հիշեցնենք՝ Լիբիայի ազգային բանակի հրամանատար Խալիֆ Հաֆթարի խոսքով՝ Տրիպոլիի համար մարտերը մոտենում են ավարտին, իսկ քաղաքը շուտով կազատագրվի: