Միացյալ Նահանգները Հյուսիսային Կարոլինայի Ֆորտ-Բրեգ ռազմաբազայի 82-րդ օդային դիվիզիոնի 4000 զինվորականի տեղակայելու են Քուվեյթում, գրում է Associated Press գործակալությունը: Այս ստորաբաժանումն ուղարկվել է Մերձավոր Արևելքում ԱՄՆ-ի ռազմական ներկայությունը ուժեղացնելու համար՝ Իրաքում Իսլամական հեղափոխության պահապանների կորպուսի «Ղոդս» հատուկ ստորաբաժանման հրամանատար, ԻԻՀ գեներալ Ղասեմ Սուլեյմանիի սպանության ֆոնին։ Գործակալությունը հղում է կատարում 82-րդ օդային դիվիզիոնի բաժանմունքի պաշտոնական ներկայացուցիչ, փոխգնդապետ Մայք Բերնսին: Ըստ նրա, այս շաբաթ արդեն մոտ 700 զինվորական ուղարկվել է Քուվեյթ: Եվս 3,5 հազար ամերիկացի զինվորական կտեղակայվի Քուվեյթում մի քանի օրից: