2020 թվականի հունվարի 1-ից Ռուսաստանը դադարեցրել է բելառուսական նավթավերամշակման գործարաններին նավթի մատակարարումը, հայտնում է РИА Новости գործակալությունը՝ վկայակոչելով Բելառուսի նավթարդյունաբերության ոլորտի աղբյուրին:
«Բելառուսական նավթավերամշակման գործարանների ուղղությամբ փոխադրումներ չեն իրականացվում»,-նշել է աղբյուրը:
Ըստ գործակալության, ներկայումս ձեռնարկությունները աշխատում են նախորդ տարվա դեկտեմբերին կուտակված հումքի պաշարներով։
2019 թվականի դեկտեմբերի 31-ին, ՌԴ նախագահի մամուլի քարտուղար Դմիտրի Պեսկովը հայտարարել էր, որ Մոսկվան և Մինսկը չեն կարողացել համաձայնության գալ նավթի մատակարարումների վերաբերյալ: