Խնդրում ենք սպասել...

Իրադարձություններ

Խոշոր վթար՝ Աշտարակ-Գյումրի ավտոճանապարhին. կան զոհեր, նրանցից մեկը ԱԺ պատգամավորի հայրն էր

11:10, ուրբաթ, 03 հունվարի, 2020 թ.
Խոշոր վթար՝ Աշտարակ-Գյումրի ավտոճանապարhին. կան զոհեր, նրանցից մեկը ԱԺ պատգամավորի հայրն էր

Հունվարի 2-ին, ժամը 23:46-ին «911» ծառայություն տեղեկություն է հաղորդվել, որ Արագածոտնի մարզի Աշտարակ քաղաքի «Արծվի թևեր» հանգստյան գոտի տանող ավտոճանապարhին տեղի է ունեցել ՃՏՊ, կա տուժած:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Աշտարակ-Գյումրի ավտոճանապարhի 2-րդ կմ-ին «Mercedes» մակնիշի ավտոմեքենան (վարորդ` Ավետիս Ն.) դուրս է եկել ճանապարհի երթևեկելի հատվածից և բախվել ճանապարհամերձ քարերին, ինչի հետևանքով վարորդը տեղում մահացել է։

Մինչ փրկարարների՝ կանչի վայր հասնելը ուղևոր Լյովա Մ.-ին դուրս են բերել ավտոմեքենայից և մոտեցրել շտապօգնության ավտոմեքենային։ Տուժածը հոսպիտալացվել է Աշտարակի ԲԿ, այնուհետև՝ «Աստղիկ» ԲԿ, որտեղ և մահացել:

Փրկարարներն ավտոմեքենայից դուրս են բերել վարորդի դին, մոտեցրել դի տեղափոխող ավտոմեքենային, այնուհետև՝ հոսանքազրկել ավտոմեքենան և փակել գազի բալոնի փականը:

Ֆոտոլրագրող Գագիկ Շամշյանի տեղեկություններով՝ մահացած Լյովա Մ․-ն «Քաղաքացիական պայմանագիր» կուսակցության անդամ, «Իմ քայլը» խմբակցության պատգամավոր Սերգեյ Մովսիսյանի հայրն էր:

32531 | 0
Facebook