Թուրքիայում, Nissan-ի նախկին ղեկավար Կարլոս Գոնի փախուստից հետո, մի քանի մարդ է ձերբակալվել, հայտնում է NTV հեռուստաալիքը՝ վկայակոչելով երկրի ՆԳՆ աղբյուրին:
Ավելի վաղ լիբանանյան «Ալ-Ահբար» թերթը, հղում անելով իր աղբյուրին, գրել էր, որ Գոնը Ստամբուլից ժամանած անձնական ինքնաթիռով հատել է Բեյրութի սահմանը՝ իր ֆրանսիական անձնագրով, իսկ ամբողջ «հատուկ գործողությունը» իրականացվել է մասնավոր անվտանգության ընկերության մասնակցությամբ:
Նշվում է, որ Թուրքիայի ՆԳՆ-ն հետաքննություն է սկսել Գոնի՝ Ստամբուլ ժամանելու վերաբերյալ, որտեղ նա մնացել է 1․5 ժամ մինչ կհատեր Լիբանանի սահմանը: Ըստ հեռուստաալիքի՝ ձերբակալվել է յոթ մարդ, այդ թվում՝ չորս օդաչու: