Հայկական համայնքը միակ ազգությունն է Իրանում, որ հունվարի 1-ին նշում է Նոր տարին: Հայերի մեծ մասը տոնը նշում է տանը, քանի որ համարում է այն ընտանեկան տոն:
Հատկանշական է, որ Իրանում ապրող ազգությամբ ոչ հայ բազմաթիվ մարդիկ հետաքրքրվում են հայկական տոներով ու հյուր գալիս իրենց հայազգի ընկերներին:
Համաձայն պաշտոնական տվյալների՝ Իրանում ապրում է ավելի քան 80 հազար հայ: Հայ համայնքը յուրահատուկ տեղ է զբաղեցնում երկրի տնտեսական ու քաղաքական կյանքում:
«Իրանի իսլամական Հանրապետության ձայնը» ռադիոալիքով ամեն օր թողարկվում են հայերեն հաղորդումներ: