Renault-Nissan-Mitsubishi կոնցեռնի նախկին ղեկավար Կարլոս Գոնն, ով գտնվում էր Ճապոնիայում՝ տնային կալանքի տակ խախտել է գրավի պայմանները և կեղծ անձնագրով մեկնել Լիբանան, տեղեկացնում է Kyodo գործակալությունը՝ վկայակոչելով իրավապահ մարմիններին։
Տոկիոյի շրջանային դատարանը գործակալությանը հաստատել է, որ Գոնի տնային կալանքի պայմանները չեն փոփոխվել, և նա չի ստացել երկիրը լքելու թույլտվություն:
Ավելի վաղ ԶԼՄ-ները հայտնել են, որ դեկտեմբերի 30-ի երեկոյան Գոնը մասնավոր ինքնաթիռով թռել է Լիբանան Թուրքիայից:
Գոնը ձերբակալվել է 2018 թվականին շուրջ 70 մլն դոլարի չափով հարկերից խուսափելու կասկածանքով։ Իսկ 2019 թվականի Գոնին մեղադրանք է առաջադրվել ֆինանսական խարդախությունների ու պաշտոնական դիրքը չարաշահելու համար։