Գործնական խորհուրդներ՝ քաղցկեղից խուսափելու համար
Ըստ հետազոտությունների՝ քաղցկեղով հիվանդացությունների շուրջ 40%-ը հնարավոր է կանխել՝ շտկումներ կատարելով սննդակարգում և կենսակերպում: Ինչպես հաղորդում է Cancer Research UK-ը, կա 6 խորհուրդ, որոնց հետևելու դեպքում կարելի է խուսափել ծանր հիվանդությունից: Քաղցկեղի համաշխարհային ֆոնդի (WCRF) տվյալներով՝ ճարպակալումը հանգեցնում է ստամոքսի քաղցկեղի, որը մահացության ցուցանիշով երրորդն է բոլոր չարորակ ուռուցքների շարքում: Բացի դա, ճարպակալումը հանգեցնում է կծքագեղձի, արգանդի, լյարդի, շագանակագեղձի ու ենթաստամոքսային գեղձի քաղցկեղի: Քաշի ցանկացած անկում կարող է կանխել քաղցկեղի վտանգը: Օրգանիզմին մեծ վնաս է հասցնում նաև ալկոհոլը՝ հատկապես երբ այն ընդունում են գիշերային ժամերին: Չարորակ ուռուցքների հավանականությունը զգալիորեն մեծանում է անգամ ոչ մեծ չափաբաժինների դեպքում: Ալկոհոլը կապվում է քաղցկեղի հետևյալ տեսակների առաջացման հետ՝ կրծքագեղձի, լյարդի, ստամոքսի, բերանի և կոկորդի, աղիների: Պատճառն այն է, որ էթանոլը վերածվում է ացետալդեհիդի, որն օրգանիզմը շատ դժվար է մարսում: Այս նյութի ավելցուկի դեպքում բջիջները դառնում են ավելի խոցելի: 50-59 տարեկան մարդկանց բժիշկները խորհուրդ են տալիս ընդունել ոչ մեծ չափաբաժիններով ասպիրին՝ կոլոռեկտալ քաղցկեղի կանխման նպատակով: Ասպիրինն օգնում է կանխել աղիքի լորձաթաղանթի բորբոքումը: Նշվում է, որ աղիների և ստամոքսի քաղցկեղի վտանգն սպառնում է հատկապես մսի սիրահարներին: Փորձագետները խորհուրդ են տալիս օրական ընդունել ոչ ավելի, քան 70 գրամ կարմիր միս: Ուռուցքների առաջացմանը նպաստում են նաև հետերոցիկլիկ ամինները, որոնք առաջանում են բարձր ջերմությամբ տապակված մսի մեջ: Եթե պատրաստելուց առաջ միսը մարինացվի, ապա ռիսկն զգալիորեն կնվազի: Հիվանդության կանխարգելման համար օգտակար են մանրաթելերով հարուստ բանջարեղեններն ու մրգերը, որոնք բարենպաստ ազդեցություն են թողնում աղեստամոքսային համակարգի վրա: Օգտակար են նաև ամբողջական հացահատիկները: Եվ վերջապես, օրական առնվազն 30 րոպե ֆիզիկական ակտիվությունը իջեցնում է քաղցկեղով հիվանդանալու հավանականությունը: |