Խնդրում ենք սպասել...
Այսօր`  հինգշաբթի, 23 հունվարի, 2020 թ.

Համացանց

«Ամուլսարի ջուրն ուզում են ապահովել կաʹմ Սևան գնացող ջրի, կաʹմ էլ գյուղերի ոռոգման ջրի հաշվին». Շիրակ Բունիաթյան

02:00, երկուշաբթի, 16 դեկտեմբերի, 2019 թ.
«Ամուլսարի ջուրն ուզում են ապահովել կաʹմ Սևան գնացող ջրի, կաʹմ էլ գյուղերի ոռոգման ջրի հաշվին». Շիրակ Բունիաթյան

Բնապահպան, Ջերմուկի բնակիչ Շիրակ Բունիաթյանը ֆեյսբուքյան իր էջում գրել է. «Տեղեկացա, որ ընդամենը օրեր առաջ Ջերմուկից ոչ շատ հեռու, Արփայի կիրճում գտնվող տեղացիներիս կողմից Մամարզա կոչվող տարածք են այցելել մարդիկ և այնտեղ իրենց հանդիպած քաղաքացիներին ներկայացել որպես բնապահպանության աշխատակիցներ։
     Բնակիչների հարցին, թե ինչն է նրանց այցի պատճառը, այդ մարդիկ պատասխանել են, որ եկել են Արփա գետում ջրազննում կատարելու և տեսնելու, թե որտեղից կարող են Ամուլսարում հանքարդյունաբերական նպատակով ջրհատկացում ապահովել։
     Ովքեր չգիտեն, ասեմ, որ Մամարզա կոչվող տարածքը գտնվում է Կեչուտի ջրամբարից ներքև և այդ տարածքով հոսող Արփա գետից արդեն իսկ ջրառի և Սևանի համար ջուր վերցված է։ Կեչուտի ջրամբարից Սևան գնալուց բացի խողովակաշարով ջուր է վերցված նաև Արփայի կիրճում գտնվող շատ բնակավայրերում ոռոգման նպատակով տրամադրելու համար։
     Իսկ մյուս մասը, որ հոսում է իր բնականոն հունով, ջրով ապահովում է մասնավորապես Վայք քաղաքը և մինչև Արենի ափամերձ հատվածում գտնվող բազմաթիվ այգիներ։
     Իսկ մեզ հետ հանդիպման եկած պատգամավորները, երբ առաջարկում էին բացել Ամուլսարի մուտքերը և թույլ տալ, որպեսզի այնտեղ ձմեռացման աշխատանքներ իրականացվեն, նաև հավելում էին, որ անհանգստանալու ոչինչ չկա և Ամուլսարի տարածքում այլ աշխատանքներ լինել չեն կարող, քանի որ տվյալ կազմակերպությունը չունի երկու շատ կարևոր թույլտվություն և դրանցից մեկը հենց ջրօգտագործման թույլտվությունն է։
     Բայց, արի ու տես, որ այժմ միջոցներ են ծախսվում, որպեսզի այդ խնդիրը կարգավորեն և այն էլ կաʹմ Սևան գնացող ջրի, կաʹմ էլ գյուղերի ոռոգման ջրի հաշվին։
     Բայցևայնպես, անկախ ամեն ինչից, ԱՄՈՒԼՍԱՐԸ ՍԱՐ Է ՄՆԱԼՈՒ ԵՎ ՎԵՐՋ»։

| | |
2181 | 0
Facebook