«Իրազեկ քաղաքացիների միավորում» ՀԿ հիմնադիր, ծրագրերի համակարգող Դանիել Իոաննիսյանը ֆեյսբուքյան իր էջում գրել է. ««Հայաստան» համահայկական հիմնադրամի նախկին տնօրեն Արա Վարդանյանը TV5-ի եթերում հայտարարել է, որ մեր երկրում տեղի ունեցող բոլոր պրոցեսները կապված են Արցախի հետ և, ըստ էության, միտված են «հողեր հանձնելուն»:
Վարդանյանը, երևի, Արցախի զարգացման մասին էր մտածում, երբ Արցախի վարչական շրջանների կրթության բաժինների հետ 300 հազար դոլարի գույք մատակարարելու պայմանագրեր էր կնքել ու գույքը «կորցրել»:
Եվ, իհարկե, որևէ կասկած չկա, որ Արա Վարդանյանը միմիայն Արցախի անվտանգության մասին էր մտածում, երբ «Հայաստան» համահայկական հիմնադրամի միջոցներով օնլայն կազինո էր խաղում»: