Միջազգային

Ռուսաստանում Գերմանիայի դեսպանատան երկու աշխատակից հայտարարվել են persona non grata: Նրանցից պահանջվում է մեկ շաբաթվա ընթացքում լքել երկիրը, գրում է РИА Новости գործակալությունը։ Բացի այդ, Գերմանիայի դեսպան Գեզա Անդրեաս ֆոն Գեյրը կանչվել է ՌԴ Արտաքին գործերի նախարարություն՝ բողոքելու Գերմանիայի կառավարության անհիմն որոշման դեմ՝ 2019 թվականի դեկտեմբերի 4-ին Բեռլինում ՌԴ դեսպանատան 2 աշխատակիցների անցանկալի անձ հայտարարելու կապակցությամբ՝ կապված Բեռլինում Վրաստանի քաղաքացու սպանության դեպքի հետ:
     Մոսկվան առաջնորդվում է փոխադարձության սկզբունքով, ինչպես նաև 1961 թ. դիվանագիտական հարաբերությունների մասին Վիեննայի կոնվենցիայի իններորդ հոդվածով, ընդգծում է ՌԴ ԱԳՆ-ը:
     Կրեմլը նաև մատնանշել է վտարման «հայելային պատասխանը» և հույս հայտնել, որ դիվանագետների վտարումը չի ազդի երկու երկրների միջև հարաբերությունների վրա: