Խնդրում ենք սպասել...
Այսօր`  չորեքշաբթի, 22 հունվարի, 2020 թ.

Համացանց

«Լկտի և անբարոյական ապատեղեկատվություն է տարածվում». Անի Սամսոնյան

19:55, շաբաթ, 07 դեկտեմբերի, 2019 թ.
«Լկտի և անբարոյական ապատեղեկատվություն է տարածվում». Անի Սամսոնյան

ԱԺ «Լուսավոր Հայաստան» խմբակցության պատգամավոր Անի Սամսոնյանը ֆեյսբուքյան իր էջում գրել է. «Հարգելի քաղաքացիներ, լկտի և անբարոյական ապատեղեկատվություն է տարածվում առ այն, թե «Լուսավոր Հայաստանը» դեմ է քվեարկել աղետի գոտու վերականգնման նախագծին:

Դա սուտ է:

«Լուսավոր Հայաստանը» դեմ է քվեարկել 2020 թվականի բյուջեի փաստաթղթին, որի համար մենք ներկայացրել էինք 150 առաջարկ, որի թվում նաև աղետի գոտու վերաբերյալ, և որոնցից որևէ մեկը չի ընդունվել:

Մենք առանձին այդ նախագծին դեմ չենք քվեարկել, որը և փորձում են ներկայացնել իշխանության ներկայացուցիչները և վարկաբեկել մեզ:

Անբարոյականություն է այս ողբերգության օրվա հիշատակը դարձնել շահարկման առարկա: Անբարոյականություն է:

Զոհերի հոգիներին հանգստություն»:

| | |
16061 | 0
Facebook