Խնդրում ենք սպասել...
Այսօր`  չորեքշաբթի, 22 հունվարի, 2020 թ.

Համացանց

«Մեքենաների վերաարտահանումը, ընդհակառակը, բացասաբար է ազդել տնտեսական աճի ցուցանիշի վրա». Բաբկեն Թունյան

18:45, շաբաթ, 07 դեկտեմբերի, 2019 թ.
«Մեքենաների վերաարտահանումը, ընդհակառակը, բացասաբար է ազդել տնտեսական աճի ցուցանիշի վրա». Բաբկեն Թունյան

Ազգային ժողովի «Իմ քայլը» խմբակցության պատգամավոր, տնտեսական հարցերի մշտական հանձնաժողովի նախագահ Բաբկեն Թունյանը ֆեյսբուքյան իր էջում գրել է. «Լսում եմ, տնտեսագետ է խոսում, ասում է. «7.5% տնտեսական աճով շատ ուրախանալ չի կարելի, որովհետև դրա մեջ շատ մեծ դեր ունի ավտոմեքենաների վերաարտահանումը»:
     Ուրեմն, տնտեսագետը պիտի իմանա, որ մեքենաների վերաարտահանումը ոչ թե բարելավել, այլ հակառակը՝ բացասաբար է ազդել տնտեսական աճի ցուցանիշի վրա։
     Պատճառն այն է, որ մեքենաների ներմուծումը ամբողջությամբ գրանցվում է (մեքենաները մաքսազերծվում են), սակայն վերաարտահանումը չի գրանցվում. հայկական համարներով են տանում։
     Արդյունքում՝ զուտ արտահանման ցուցանիշը վատթարանում է, և իր հերթին նվազեցնում ՀՆԱ-ի ցուցանիշը։
     Եթե վերաարտահանումը գրանցվեր, ՀՆԱ-ի աճի ցուցանիշն ավելի մեծ կլիներ»:

| | |
4333 | 0
Facebook